تامر حسني يرد على هجوم حلا شيحة: كل مشاهد الفيلم تمت بموافقتها

خرج الفنان المصري تامر حسني، عن صمته إزاء الهجوم، الذي شنته ضده مواطنته الفنانة حلا شيحة، عندما أعلنت تبرؤها من مشاهد في فيلم ”مش أنا“، الذي يجمعهما سويا ويجري عرضه في السينما منذ 3 أسابيع، متهمته بمخالفة وعده لها بعدم الإفراج عن تلك المشاهد.
وقال في منشور عبر صفحته الرسمية على موقع ”فيسبوك“، إنه ليس ممن يخالفون اتفاقاتهم، لافتًا إلى أنه التزم بوعده لها وحذف ما طلبت منه، كما دعاها للتحقق من صدق حديثه بالعودة إلى المونتاج والاطلاع على المشاهد.
وأشار تامر حسني، إلى أن حلا شيحة، فاجأته بمنشورها بحقه، معربًا عن غضبه منها كونها لم تأت إليه للحديث عن مشكلة تخصها في الفيلم، كما عبر عن اندهاشه، من موقفها بطرح الكليب على ”اليوتيوب“، وتركه في السينما للجمهور، الذي يتردد على مشاهدة الفيلم.
وشدد على أن شيحة، لم تجبر على تلك المشاهد ولا المشاركة في الفيلم، مبينًا أنها اقتضت مقابل مادي كبير جراء عملها، أن الكليب رومانسي ومن الطبيعي أن تجمعه مشاهد بالجنس الآخر.
واتهم تامر حسني، شيحة بالتقصير بالفيلم وأنها أضاعت على صناع العمل تصوير ”أفيش“ جماعي للدعاية للعمل، مردفا أنها كانت تغلق الهاتف في وجوه صناع الفيلم ولم تتجاوب معهم.
وجاء بمنشور حسني: ”أولاً أنا عمري ما وعدتك إن الكليب مش هينزل دا محصلش أصلاً يا حلا مش أنا خالص اللي أوعد وأخلف، الحقيقة أني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها“.
ومضى قائلًا: ”ولو حابة تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة، وبعدين الفيلم بقاله 3 أسابيع في السينما والكليب موجود جوه الفيلم“.
وبين أنه ”بالنسبالك الحرام إننا ننزل الكليب على اليوتيوب بس!! إنما الكليب يتشاف جوه السينما عادي؟ منطق غريب فعلاً يا حلا، وبعدين هو مش إنتي اللي مضيتي عقد وتقاضيتي عليه مبلغ كبير عشان الدور دا بعينه !! هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك!!؟“.
ولفت حسني أنه ”للتوضيح للجمهور الكريم أنا والمخرجه الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا“.
وأكد أنه ”لو كان ليكي أي طلب تاني كنت هعمله بكل حب إنما إنتي فجأة اختفيتي ومكملتيش تركيب صوتك في الفيلم ولا جيتي تتصوري عشان أفيش الفيلم أصلًا ومخليتيناش نعرف نعمل أفيش مجمع!!! وبقيتي تقفلي تليفوناتك وتكنسلي علينا كلنا“.
وواصل تامر، يقول: ”وبعدين أي فيلم بيبقى ليه خطه مسبقه في الدعايه و دإنتي عارفاها كويس ووافقتي عليها ودا كليب رومانسي يعني معقول كنتي عايزة المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل!؟“.
واختتم حسني منشوره بالقول: ”أنا زعلان منك جداً يا حلا على مفردات البوست بتاعك غير الموفقة ومستحيل هرد بطريقتك اللي فيها تجريح واتهامات باطله ليا إحتراماً لحجات كتير يمكن فايتاكي بس مش هتفوتني وعلى فكرة أنا واثق إنك عارفة إني مستاهلش منك كدا وهكتفي بالتوضيح دا وربنا يهدي الجميع ويكتبلك كل الخير، اللهم آمين“.



